Lexoni edhe:
Daut Haradinaj tregon si u njoftua me Hashim Thaçin e Kadri Veselin
Në Ferizaj Policia shqipton 357 gjoba për mosrespektim të Ligjit Covid-19
Policia e Kosovës, po vazhdon të shqiptoj gjoba për gjithë ata që nuk po respektojnë Ligjin Covid-19.
Gjatë vikendit, bazuar në vendimet e Qeverisë së Republikës së Kosovës lidhur me masat mbrojtëse kundër virusit Covid 19, njësitet policore të DRP Ferizaj janë angazhuar maksimalisht nëpër qendrat tregtare dhe lokacionet tjera më të frekuentuara nga qytetarët duke monitoruar respektimin e masave nga ana e qytetarëve.
Këto masa janë respektuar nga shumica e qytetarëve, falë ngritjes së vet përgjegjësisë qytetare, por janë hasur edhe persona të cilët nuk i kanë përfillur të njëjtat dhe nga ana e zyrtarëve policorë gjatë ditëve të vikendit janë shqiptuar 357 tiketa ndaj personave të cilët nuk i kanë respektuar këto masa të parapara me Ligjin 07/L-006, si dhe janë dhënë 146 vërejtje.
Policia apelon tek qytetarët që t’i respektojnë masat e parapara ligjore me qëllim të ruajtjes së shëndetit të tyre dhe familjarëve të tyre.
Policia e Kosovës do të vazhdojë me përmbushjen e detyrave të saj dhe në çdo kohë dhe çdo vend ku do të hasen personat të cilët nuk i respektojnë masat, ndaj tyre do të veprohet sipas ligjit në fuqi.
(Kosova Sot Online)
