Lexoni edhe:
Ushtari i UÇK-së që i mbushi 16 vjeç në vijat e frontit, sjell rrëfimin e jashtëzakonshëm
MPB demanton Vetëvendosjen: Veturat zyrtare janë në shfrytëzim nga KQZ-ja
Lëvizja Vetëvendosje, ka akuzuar sot ministrin e Punëve të Brendshme, Agim Veliun, se po i përdor veturat zyrtare për të bërë fushatë.
Një gjë e tillë është kundërshtuar nga Ministria e Punëve të Brendshme.
Ministria e Punëve të Brendshme ka sqaruar se veturat e MPB-së, janë duke u përdorur në procesin elektoral që është duke u mbajtur sot në komunën e Podujevës dhe komunën e Mitrovicës së Veriut.
“Me këtë rast ju njoftojmë se veturat e Ministrisë së Punëve të Brendshme janë dhënë në shfrytëzim për Komisionin Qendror të Zgjedhjeve për organizmin e zgjedhjeve. Ju bëjmë me dije se kjo është një praktikë që gjatë organizmit të zgjedhjeve në Kosovë, KQZ, kërkon nga Ministria e Administratës Publike, mbështetje me vetura për organizmin të zgjedhjeve. Tashmë meqë ish-Ministria e Administratës Publike është shuar në Ministrisë e Punëve të Brendshme, është përgjegjësi e MPB-së që t’iu jep në shfrytëzim vetuat për KQZ-në”, është thënë nga MPB.
(Kosova Sot Online)
