Lexoni edhe:
Trendi i të rinjëve në Tik Tok, doktorët dalin me paralajmërimin e frikshëm
Një grua turke 105-vjeçare në Stamboll ka mposhtur koronavirusin e ri (COVID-19) për vetëm pesë ditë.
Pasi vuri re simptoma si dobësia dhe humbja e oreksit, Huriye Baëkapan dhe fëmijët dhe nipërit e saj shkuan në spital për diagnostikim dhe trajtim.
Trendi i të rinjëve në Tik Tok, doktorët dalin me paralajmërimin e frikshëmLexoni edhe:
Ajo u shtrua në spital kur testi i saj për COVID-19 doli pozitiv dhe u vërejtën probleme në veshkat dhe mëlçinë e saj. Vajza dhe një nip i saj ishin gjithashtu të infektuar me të njëjtin virus.
Përkundër moshës së saj dhe sëmundjeve kronike, ajo e mposhti sëmundjen me një trajtim pesëditor. Anëtarët e tjerë të familjes së saj gjithashtu u shëruan dhe u kthyen në rutinën e tyre të përditshme.
“Sëmundja ime kaloi shpejt. Nuk mund ta kuptoja se çfarë ndodhi. Sapo më thanë që isha i infektuar me këtë virus”, tha Baëkapan.
Ajo falënderoi mjekët dhe shtetin turk. “Ata u kujdesën për ne në spital. Allahu u dhëntë atyre jetë të gjatë”, tha ajo.
Mjeku i saj Emre Özge tha se ata i dhanë “trajtim agresiv” Baëkapan-it për dy ditët e para dhe rishikuan trajtimin sipas testeve ditore të gjakut dhe ekzaminimeve fizike.
“COVID-19 mund të jetë fatale për pacientët e moshuar dhe me kushte themelore shëndetësore. Ajo iu përgjigj shumë mirë trajtimit”, tha Özge.
(Kosova Sot Online )