Lexoni edhe:
Gjuajtje me armë zjarri në Prishtinë, policia jep informacione për rastin
Për zbatimin e plotë të masave të reja Anti-COVID, Ministria e Shëndetësisë u ka dërguar një letër komunave.
Në letrën e siguruar thuhet se Ministria e Shëndetësisë, do të propozojë nga Qeveria e Kosovës që kufizimi i orarit të lëvizjes të mbetët në fuqi sipas rekomandimit të IKSHPK-së, ndërsa shërbimet e gastronomisë të lejohen të zhvillojnë aktivitetin e tyre në përputhje me udhëzuesin e përkohshëm për aplikimin a masave për parandalimin dhe luftimin e COVID – 19.
Gjuajtje me armë zjarri në Prishtinë, policia jep informacione për rastinLexoni edhe:
Letra e plotë e Ministrisë së Shëndetësisë:
Me qëllim të informimit paraprak dhe të koordinimit me Komunat e Republikës së Kosovës lidhur me masat e përgjithshme dhe të veçanta për kontrollin, parandalimin dhe luftimin e pandemisë COVID – 19, ju njoftojmë se Ministria e Shëndetësisë ndër të tjera do t’i propozojë Qeverisë së Republikës së Kosovës, që:
– Vendimi të zbatohet në të gjithë Republikën e Kosovës;
– Institucionet publike dhe private të arsimit të vazhdojnë aktivitetin e tyre në mënyrë të rregullt sipas udhëzuesit të përkohshëm për aplikimin a masave për parandalimin dhe luftimin e COVID – 19 në institucionet e arsimit të të gjitha niveleve;
– Shërbimet e gastronomisë të lejohen të zhvillojnë aktivitetin e tyre në përputhje me udhëzuesin e përkohshëm për aplikimin a masave për parandalimin dhe luftimin e COVID – 19 në sektorin e gastronomisë, përmes së cilit vendosën masa për respektimin e distancës në mes të tavolinave dhe përcaktimit të numrit maksimal të personave të lejuar për metër katror;
– Qendrat tregtare të zhvillojnë veprimtarinë duke respektuar me përpikëri masat sipas udhëzuesit të veçantë për qendrat tregtare;
– Kufizimi i orarit të lëvizjes të mbetët në fuqi sipas rekomandimit të IKSHPK-së.
(Kosova Sot Online)