Në këtë vend dënohen me vdekje dy persona për fyerje ndaj Profetit Muhamed

  • E.K /
  • 24 April 2021 - 10:10
Në këtë vend dënohen me vdekje dy persona për fyerje ndaj Profetit Muhamed

Dy iranianë janë dënuar me vdekje për ofendim të Profetit Muhamed, sipas një faqeje të lajmeve në Republikën Islamike.

Agjencia e Lajmeve e Aktivistëve për të Drejtat e Njeriut (HRANA) raportoi se dy burrat e akuzuar ishin arretuar dhe u transferuar në një burg në Arak, kryeqytet i provincës Markazi, në maj të vitit të kaluar.

Në raport thuhet se një gjykatë e këtij qyteti i dënoi dy burrat me dënimin më të rëndë për fyerje ndaj Profetit Muhamed. Kjo akuzë në Iran bart dënim me vdekje, shkruan Free Europe.

Njëri nga të dënuarit u identifikua si Yusef Mehrad, baba i tre fëmijëve, për të cilin raportohet se është mbajtur i izoluar në vetmi për dy muaj pas arrestimit. Ai përballet edhe me disa akuza të tjera, përfshirë ofendimin e liderëve iranian dhe veprat kundër sigurisë kombëtare. I dënuari tjetër nuk është identifikuar.

Në vitin 2017, Irani ia kishte hequr dënimin me vdekje një burri të dënuar për ofendimin e Profetit Muhamed në disa postime në Facebook. Dënimi ishte kundërshtuar nga grupet për të drejtat e njeriut dhe aktivistët.

Sipas raportit të organizatës “Amnesty International”, Irani vitin e kaluar ka ekzekutuar 246 persona, duke mbetur shteti me më së shumti ekzekutime në botë.

(Kosova Sot Online)