12 autobus me protestues nga Mitrovica për në Prishtinë
12 autobus me protestues pritet të nisen nga qyteti i Mitrovicës për në Prishtinë, për manifestimin e organizuar nga Opozita që fillon në ora 14:00.
Anëtari i Vetëvendosjes nga dega e kësaj partie në Mitrovicë, Faruk Mujka, ka thënë për Klan K se në Prishtinë do të shkojnë për të manifestuar 28 nëntorin nën frymën e protestës, kundër demarkacionit me Malin e Zi dhe asociacionin e komunave serbe.
Tashmë pranë degës së VV-së në Mitrovicë vetëm kanë filluar që të grumbullohen njerëz, të të gjitha moshave e të cilët në duar kanë flamuj kuqezi.
Këtyre pritet që shumë shpejtë të iu bashkohen edhe anëtarët e AAK dhe Nisma.