Lexoni edhe:
Flasin nga kompania turistike: Autobusi po barte mërgimtarë
Hoxhaj për aksidentin me fatalitet në Kroaci: Dyshimet fillestare për të vdekur e bëjnë shumë të rëndë gjithë situatën
Të paktën 10 persona raportohet të kenë vdekur si pasojë e një aksidenti që ka ndodhur mëngjesin e së dielës në Kroaci.
45 persona raportohet të kenë kërkuar ndihmë mjekësore si pasojë e këtij aksidenti, ndërsa mediat kroate raportojnë se 8 persona janë në gjendje më të rëndë.
Pas aksidentit me fatalitet në Kroaci ka reaguar deputeti i PDK-së, Enver Hoxhaj.
Ai ka thënë se dyshimet fillestare për të vdekur sipas autoriteteve kroate e bëjnë shumë të rëndë gjithë situatën.
Hoxhaj ka thënë se po luten që ekipet mjekësore dhe policia kroate t’u dalin në ndihmë sa më parë të lënduarve.
“Ngjarje tragjike mëngjesin e sotëm nga aksidenti i një autobusi që po udhëtonte nga Gjermania drejt Kosovës. Dyshimet fillestare për të vdekur sipas autoriteteve kroate e bëjnë shumë të rëndë gjithë situatën. Po lutemi që ekipet mjekësore dhe policia kroate tu dalin në ndihmë sa më parë të lënduarve”, ka shkruar ai në rrjetin e tij social Facebook.
(Kosova Sot Online)
