Lexoni edhe:
FSSHK kërcënon Kurtin me padi, kërkon që shtesat për punëtorët shëndetësorë të jenë së paku 300 euro
19 vjeçarja mbytet gjatë xhiros zbavitese të lartësisë
Një vajzë adoleshente ka vdekur pasi është mbytur me të vjellën e saj kur u ndje keq teksa bënte një xhiro “zbavitjeje” në ngritësen e lartësive të quajtur “Kamikaze”.
Familjarët e saj të tmerruar që e shihnin nga poshtë, thanë se operatorët e lojës kishin refuzuar thirrjet e tyre për të ndaluar rrotullimet ulese-ngritese, kur panë që 19 vjecarja Zeynep Gunay po ndjehej keq në tragjedinë e të hënës në Turqi.
Incidenti ndodhi rreth orës lokale 14:00 në parkun e lojrave Hayrola Luna Park në Stamboll.
Gunay, e cila ëndërronte të bëhej psikologe, kishte shkuar në park teksa priste rezultatet e provimeve.
Një foto e fundit e saj nga kamerat e sigurisë e tregonte vajzën me maskë të bardhë fytyrë, veshje tradicionale hixhab gri, teksa priste për nisjes e lëvizjes, raporton TCH.
Gunay më pas kishte humbur ndjenjat gjatë lëvizjes së makinerisë dhe volli.
Prindërit e saj thanë se kur më në fund mjeti ndaloi, Gunay ishte pa ndjenja por stafi i parkut nuk e mori seriozisht çështjen.
Gunay u dërgua më pas në spital me një ambulancë, ku u shpall e vdekur.
Familjarët besojnë se vajza humbi jetën nga neglizhenca dhe zotohen se do të bëjnë gjithçka për të bërë drejtësi.
Pas vdekjes së Gunay, rrjeti vendas Haberler tha se ajo kishte siguruar rezultatet e nevojshme për të hyrë në universitetin që dëshironte.
Pretendimet e familjes së Gunay po hetohen nga policia.
Britanikja Daily Mail shkruante gjithashtu se “një deklaratë në turqisht nga parku i tragjedisë, nuk mund të përkthehej në formë elektronike”
(Kosova Sot Online)
