Shpërthejnë protestat kundër Putin në Rusi

  • A.P /
  • 21 September 2022 - 20:29
Shpërthejnë protestat kundër Putin në Rusi

Pas urdhrit për mobilizim ushtarak, në Rusi kanë shpërthyer protestat kundër vendimit të presidentit, Vladimir Putin.

BBC raporton se më shumë se 100 persona janë arrestuar pasi morën pjesë në protesta në 15 qytete të ndryshme.

Ndalimi i tyre erdhi pasi aktualisht në Rusi, tubimet konsiderohen të paligjshme dhe janë të ndaluara. Pas fjalëve të Putin, i cili shpalli mobilizimin e pjesshëm në lidhje me luftën në Ukrainë, fluturimet direkte të planifikuara për sot dhe orët në vijim nga Moska për në kryeqytetet e vendeve “mike” u shitën menjëherë.

Gjithashtu brenda disa orësh, u ezauruan dhe fluturimet për në Kazakistan, Uzbekistan dhe Kirgistan.

(Kosova Sot Online)