Rama: S’jam aspak dakord me sulmet ndaj Albin Kurtit
Pas arritjes së ujdisë mes Kosovës dhe Shqipërisë për çështjen e targave, kryeministri i Shqipërisë, Edi Rama i ka dalë në përkrahje kryeministrit kosovar, Albin Kurti, transmeton gazeta "Kosova Sot Online".
Rama ka theksuar se Kurti u soll si një kryeministër.
Sipas tij, kjo marrëveshje mbylli shtegun e rihapur të zhvillimeve të paparashikueshme.
“S’jam aspak dakord me sulmet ndaj Albin Kurtit pas marrëveshjes së duhur që fatmirësisht mbylli shtegun e rihapur të zhvillimeve të paparashikueshme! Ta sulmosh Albinin pse u soll si kryeministër është njësoj si t’i kërkosh hesap pse nuk mendon e flet njësoj si kur ishte në burg!”.
(Kosova Sot Online)
