Osmani: Shpallja e Pavarësisë dhe Kushtetuta e Republikës së Kosovës janë fillimi dhe fundi i gjithçkaje që bëj
Presidentja e Kosovës, Vjosa Osmani, në një intervistë për mediumin katalonas, “El Periodico”, ka folur mbi përshtypjet e saj për bashkimin kombëtar me Shqipërinë.
Osmani tha se shpalljen e pavarësisë së Kosovës e sheh si fillimin dhe fundin e gjithçkaje, përcjell “Kosova Sot Online”.
Presidentja ka shtuar se është sakrifikuar dhe punuar shumë që Kosova të jetë e pavarur dhe sovrane.
“Ne kemi sakrifikuar dhe punuar për një Kosovë të pavarur dhe sovrane dhe puna ime do të vazhdojë t’i kushtohet vetëm Kosovës së pavarur dhe sovrane. Shpallja e Pavarësisë dhe Kushtetuta e Republikës së Kosovës janë fillimi dhe fundi i gjithçkaje që bëj”, deklaroi ajo.
(Kosova Sot Online)