Përplasen dy Apache amerikanë
Një aksident i rëndë ajror është regjistruar në Shtetet e Bashkuara të Amerikës, ku dy helikopterë të ushtrisë u përplasën me njëri-tjetrin në zonën e Alaskës, transmeton gazeta “Kosova Sot Online”.
Si pasojë e këtij aksidenti, 3 pilotë humbën jetën, ndërsa një i katërt mbeti i plagosur rëndë dhe ndodhet në kujdesin e mjekëve në spital.
Zyrtarë të ushtrisë amerikane bëjnë me dije se ngjarja ndodhi gjatë një misioni stërvitor, ku dy helikopterët Apache u përplasën në ajër.
Helikopterët e tipit AH-64 Apache ishin të bazës Fort Wainwright, pranë Fairbanks.
Gjenerali Brian Eifler e cilësoi incidentin si një humbje të madhe për familjarët e viktimave, shokët e tyre ushtarakë dhe divizionin, teksa shtoi se ngjarja do të hetohet deri në fund.
(Kosova Sot Online)
