Ministri Mehaj publikon sondazhin: 73 % e kosovarëve i besojnë FSK-së
Ministri i Mbrojtjes, Armend Mehaj, ka thënë se Forca e Sigurisë së Kosovës ka shënuar rritje të besueshmërisë së qytetarëve, përcjell "Kosova Sot Online".
Ai u është referuar sondazheve, sipas të cilave, FSK-ja është organizata me nivelin më të lartë të besueshmërisë nga ana e qytetarëve të Kosovës.
Sipas këtij hulumtimi, 73% e shtetasve tanë besojnë në institucionin e sigurisë.
Postimi i plotë:
FSK shënon rritje të besueshmërisë së qytetarëve
Sipas sondazheve të publikuara nga Qendra për Perceptime në Hulumtime të Insitutit Republikan Ndërkombëtar (IRI), Forca e Sigurisë së Kosovës është organizata me nivelin më të lartë të besueshmërisë nga ana e qytetarëve të Republikës së Kosovës.
Ky hulumtim vë në pah se 73% e shtetasve tanë besojnë në institucionin e sigurisë, që shënon një rritje prej 7% në raport me sondazhet e vitit 2021.
Pra, Forca e Sigurisë së Kosovës perceptohet edhe nga ana e qytetarëve si organizatë që përmbush në plotni mision e saj kushtetues në garantimin e sigurisë së qytetarëve dhe mbrojtjen territoriale.
(Kosova Sot Online)