Berlusconi del nga spitali pas 45 ditësh

  • A.P /
  • 19 May 2023 - 22:09
Berlusconi del nga spitali pas 45 ditësh

“Të dashura mikesha dhe miq, sot, pas 45 ditësh të gjata, më në fund u ktheva në shtëpi dhe kthimi im ka ngrohur zemrat e familjes sonë të madhe”, transmeton gazeta "Kosova Sot Online".

Kështu nis mesazhi i kreut të Forza Italia, Silvio Berlusconi, pas largimit të tij nga spitali San Raffaele në Milano ku qëndroi i shtruar për shkak të pneumonisë, si pasojë e leuçemisë mielomonocitare kronike.

“Një emocion i pabesueshëm, një lehtësim i madh. Ishte një periudhë e mundimshme dhe e vështirë, por pas errësirës fitova përsëri. Falë Zotit dhe të gjithë juve që nuk më keni lënë kurrë të mungojë afërsia juaj, ngrohtësia dhe dashuria juaj, nuk u ndjeva kurrë vetëm dhe vazhdova të kem shpresë dhe besim”, ka shkruar Berlusconi.

“Makthi ka mbaruar dhe pasi kam lexuar mesazhet e shumta përshëndetëse të marra, dua të falënderoj secilin prej jush që ka vendosur të kushtojë një mendim të dashur për mua. Rroftë jeta, gjithmonë!”, thekson lideri i Forza Italia.

(Kosova Sot Online)