Ja kur e japin betimin kryetari i Zveçanit dhe ai i Zubin Potokut
Si kryetarë të rinj, kryetari i Zveçanit, Ilir Peci, e ai i Zubin Potokut, Izmir Zeqiri, do ta japin betimin të enjtën duke filluar nga ora 10:00, transmeton gazeta “Kosova Sot Online”.
Lajmin e kanë konfirmuar të dy kryetarët e komunave veriore.
“Të enjten jepet betimi, seanca do të nisë nga ora 10:00”, janë shprehur Peci e Zeqiri.
Ndërsa, kryetari i Leposaviqit, Lulëzim Hetemi, ka thënë se ende nuk dihet nëse ai do ta japë betimin ditë e njëjtë, porse e konfirmoi se asambleja do të konstituohet enjtën.
“Do ta formojmë asamblenë, e pastaj shohim nëse do ta jap betimin. Seanca për asamble do të nisë nga ora 13:00”, është shprehur Hetemi.
(Kosova Sot Online)