Varhelyi sot në Kosovë, takohet me Osmanin, Kurtin, Konjufcën e opozitën

Komisionari i Bashkimit Evropian për Zgjerim dhe Fqinjësi, Oliver Varhelyi, sot do të qëndrojë në Kosovë ku do të takoj udhëheqësit e institucioneve, përcjell “Kosova Sot Online”.

Varhelyi do të tëkohet me presidenten e vendit, Vjosa Osmani në orën 09:00.

Komisionari po ashtu do të takojë kryeministrin e Kosovës, Albin Kurti në orën 10:05, ndërsa një orë më vonë do të pritet nga kryeparlamentari Glauk Konjufca.

Varhelyi do të takohet edhe me opozitën dhe përfaqësuesit e shoqërisë civile.

“Këto takime do të jenë një mundësi për të rishikuar marrëdhëniet BE-Kosovë dhe për të diskutuar zhvillimet e fundit si dhe reformat kyçe, duke përfshirë fushën e reformës në drejtësi, tranzicionit të energjisë dhe luftës kundër krimit të organizuar dhe korrupsionit”, thuhet në njoftimin e KE.

(Kosova Sot Online)