Nitaj për Edi Ramën: I çuditshëm ky njeri
Sekretari i Përgjithshëm i Aleancës për Ardhmërinë e Kosovës, Muharrem Nitaj, ka reaguar pas deklaratës së kryeministrit të Shqipërisë, Edi Rama, ku ka thënë se KFOR duhet të marrë në kontroll veriun e Kosovës, përcjell “Kosova Sot Online”.
Nitaj e ka quajtur njeri të çuditshëm kryeministrin Rama.
Tutje, Nita ka shkruar se si është e mundur që të kërkojë diçka për të tjerët.
Reagimi i plotë:
Edi Rama, ky njeri i çuditshëm
Edi Rama paska kërkuar që KFOR-i ta marrë nën kontroll veriun e Kosovës. Bile këtë kërkesë thotë se paskësh bërë edhe në samitin e NATO-së, të mbajtur kohë më parë.
Si është e mundur që të kërkojë diçka, jo për vete por për të tjerët. Bile do të duhej të kishte pyetur nëse kjo është kërkesë e Kosovës.
I çuditshëm ky njeri!
Sa i bën “fora” në Këshillin e Sigurimit, sa e jep një deklaratë “perlë” për ta kundërshtuar deklaratën e BE-së për ngjarjet në veri dhe hot e bjen në fund të pusit.
E bën një kërkesë, për dhe në emër të Kosovës, të njëjtë me kërkesën e presidentit serb.