Posterat në veri kundër Radoiçiqit, Ramadani: Ekziston vullnet i serbëve të veriut për t’u liruar nga Lista Serbe
Ish-kryeinspektori i Agjencisë Kosovare për Inteligjencë, Burim Ramadani, pas posterave të shpërndarë kundër ish-nënkryetarit të Listës serbe, Milan Radoiçiqit tha se ekziston vullneti i serbëve të veriut për t’u liruar nga ajo parti, sidomos pas sulmit terrorist në Banjskë, më 24 shtator 2023, përcjell “Kosova Sot Online”.
Ramadani ka shkruar se Qeveria e Kosovës konstatoi përmes MPB-së se Lista Serbe me Serbinë organizuan sulmin terrorist.
Ai tha se Lista serbe është financuar nga shteti i Kosovës me 360 mijë euro më 12 janar 2024.
Postimi i plotë:
“Thuaji JO organizatës terroriste (Listës Serbe)” dhe mos e financoni Listën Serbe!
Posterët e shpërndarë në disa hapësira në veri të Kosovës mund të nënkuptojnë që potencialisht ekziston vullnet i serbëve të veriut për t’u liruar nga Lista Serbe, sidomos pas sulmit terrorist në Banjskë, më 24 shtator 2023.
Qeveria e Kosovës konstatoi - përmes MPB - se Lista Serbe me Serbinë organizuan sulmin terrorist!
Ndërsa, kjo Listë Serbe është financuar nga shteti i Kosovës me 360.000 euro më 12 janar 2024.
Edhe më tutje, ky vendim i KQZsë (dmth shtetit) nuk u shfuqizua.
A thua si ndihen këta që i dhanë 360 mijë Listës Serbe?
Asnjë fjalë institucionet!
Çele gurin gojën!
(Kosova Sot Online)