Kearns - Hovenierit: A i reaguat kështu Serbisë kur i rrëmbeu tre policët e Kosovës?
Deputetja britanike dhe kryetarja e Komisionit për Politikë të Jashtme të Parlamentit Britanik, Alicia Kearns, i ka reaguar ambasadorit të SHBA-së në Kosovë, Jeffrey Hovenier, i cili mbrëmë lëshoi një deklaratë ku tha se veprimet e fundit të Qeverisë së Kosovës po i rrisin tensionet, transmeton gazeta “Kosova Sot Online”.
“Ku është balancimi?”, pyeti Kearns.
“A kemi parë një deklaratë të tillë nga SHBA pas rrëmbimit të paligjshëm të 3 policëve nga Serbia? Jo”, shkroi ajo.
“Heshtja për sulmin terrorist në Banjska mbetet shurdhuese”, shtoi deputetja britanike në reagimin e saj në “X”.
(Kosova Sot Online)