Kërcënimet e Serbisë për sulm nda Kosovës nuk duhet të injorohen, janë serioze dhe potencialisht të mundshme

Shkruan: ANALISTI-Xhevat Meha

Paralajmërimi për mundësin e një sulmi nga Serbia në Kosove përmes grupeve të stërvitura është serioz, është real. Janë krijuar disa kushte që diçka e tillë të ndodhë. Se a do të filloj Serbia sulme vetëm në Kosovë a sulme të kombinuara edhe me sulme në Bosnje mbetet të shihet. Rusia e shtynë Serbinë drejt një konfrontimi të Serbisë me NATOn në Ballkan, dhe rrjeti rus brenda institucioneve të Serbisë është i fuqishëm. Një shtytje të madhe Serbisë për të kryer sulme në Kosovë i ka dhënë edhe Qeveria e Kosovës.

Lexoni edhe:

Cilin kandidat mbështesin të rinjtë në ShBA: Bidenin apo Trumpin?

Politika që Kryeministri është duke ndjekur me aleatët mbështetës të pavarësisë së Kosovës, politikën e acarimit me të gjithë, sigurisht që e shtynë Serbinë që ta shfrytëzoj në të mirën e saj. Nuk shoh arsye të qëndrueshme që Kryeministri të ndërtoj politika të tilla. Mbështetësit e pavarësisë së Kosovës kanë larguar administrimin dhe forcat e sigurisë së Serbisë nga Kosova, po këta garantojnë sigurinë tani, dhe po këta do të mundë ta ndalin Serbinë në ndonjë sulm eventual. Çfarë interesi i Kosovës do të ishte që të mos koordinohemi me mbështetësit e pavarësisë se Kosovës? Kurrfarë interesi për Kosovën, veç dëme për Kosovën.

Shkrimet në këtë rubrikë nuk shprehin qëndrimet e gazetës "Kosova Sot Online".