Albin Kurti shkon në Mitrovicën e Veriut
Kryeministri Albin Kurti ka mbërritur në Mitrovicën e Veriut ku është pritur nga kryetari i kësaj komune, Erden Atiq, transmeton gazeta “Kosova Sot Online”.
Kurti shkoi atje pasi qëndroi në Komunën e Leposaviqit e më pas vendosi lule në pllakën përkujtimore kushtuar policit të rënë të Kosovës, Enver Zymberi.
Forca të Policisë së Kosovës siguruan objektin komunal dhe rrugët që të çojnë te ai.
Djali i Enver Zymberit raportohet se ishte sot me Kurtin dhe dy ministrat: atë të Punëve të Brendshme, Xhelal Sveçla dhe atë të Administrimit të Pushtetit Lokal, Elbert Krasniqi.
Mediat nuk ishin të informuara për këtë ‘tour’ të Kurtit në veri.
(Kosova Sot Online)
