Aksident në një fshat të Klinës: Pesë persona lëndohen

Një aksident trafiku ka ndodhur sot në fshatin Krushevë të Vogël në Klinë, ku dy vetura kanë qenë të përfshira ne këtë aksident si dhe janë lënduar pesë persona, përcjell "Kosova Sot Online".

Lajmin e ka konfirmuar zëdhënësi i Policisë për rajonin e Pejës, Driton Rugova.

Ai bëri të ditur se të lënduarit janë dërguar në spitalin e Pejës, ndërsa një prej tyre është dërguar në QKUK.

“Rreth orës 11:50 policia ka pranuar informatën për një aksident trafiku në fshatin Krushevë e Vogël komuna e Klinës. Dy vetura kanë qenë të përfshira në këtë aksident, ku për pasojë pesë persona kanë pësuar lëndime. Të lënduarit janë dërguar për tretman mjekësor në Spitalin Rajonal të Pejës, ndërkaq njëri prej tyre për shkak të natyrës së lëndimeve është dërguar në QKUK”, tha ai.

(Kosova Sot Online)