Kosova bëhet anëtare e Koalicionit të Deminimit për Ukrainën

  • E.K /
  • 13 June 2024 - 14:00
Kosova bëhet anëtare e Koalicionit të Deminimit për Ukrainën

Ministri i Mbrojtjes në Qeverinë e e Kosovës, Ejup Maqedonci, ka nënshkruar marrëveshjen e përbashkët me homologun e tij të Lituanisë, Laurynas Kasciunas, sipas të cilës Kosova është zyrtarisht pjesë e Koalicionit të Deminimit për Ukrainën, përcjell “Kosova Sot Online”.

Maqedonci tha se Kosova bëri një hap të rëndësishëm në përfaqësimin dhe rolin e saj në sigurinë globale.

Ai njoftoi se ky koalicion ka për qëllim ofrimin e mbështetjes për Ukrainën përmes ofrimit të trajnimit në fushën e deminimit.

Postimi i plotë:

Kosova bëri një hap të rëndësishëm në përfaqësimin dhe rolin e saj në sigurinë globale.

Sot në Bruksel me Ministrin e Mbrojtjes të Lituanisë, Laurynas Kasčiūnas, nënshkruam marrëveshjen e përbashkët sipas të cilës Kosova edhe zyrtarisht është pjesë e Koalicionit të Deminimit për Ukrainën, duke u bërë kësisoj shteti i 17-të anëtar i këtij koalicioni që ka për qëllim ofrimin e mbështetjes për Ukrainën përmes ofrimit të trajnimit në fushën e deminimit, zotim ky që e kemi dhënë si pjesë e Grupit të Kontaktit për Ukrainën, e që është një hap tjetër i ndërmarr nga ana e Kosovës për popullin ukrainas pasi veçse tanimë kemi dorëzuar dy pako mbështetëse ushtarake.

Ushtarët tanë do të rreshtohen përkrah partnerëve tanë në këtë front global demokratik kundër agresionit dhe dhunës!

Kosova do të vazhdoj të qëndroj krah Ukrainës ngase jemi me të drejtën, lirinë e popujve dhe të drejtat demokratike të shteteve.

(Kosova Sot Online)