Arrestohet një malazez në Bërnjak
Një shtetas i Malit të Zi është prangosur mbrëmjen e së martës në pikëkalimin kufitar Bërnjak, pasi posedonte me vete narkotikë, transmeton gazeta “Kosova Sot Online”.
Pasi u ndalua për kontroll nga njësitet policore, në çantën e tij u gjeten dhe u konfiskuan një qese e vogël dhe një plastikë me kokainë.
Qesja peshonte 0.69 gram, ndërkaq plastika e rrumbullakët ishte në peshë prej 0.50 gramësh, bën të ditur policia.
“Me vendim të prokurorit pas intervistimit, i dyshuari është liruar në procedurë të rregullt”, thuhet në njoftimin e policisë.
Rasti është iniciuar si “Posedim i paautorizuar i narkotikëve”.
(Kosova Sot Online)
