Putin dhe Trump do të takohen
Është arritur një marrëveshje për të mbajtur një takim midis Vladimir Putin dhe Donald Trump në ditët në vijim, raporton agjencia ruse e lajmeve IFAX, duke cituar ndihmësin e Kremlinit, Yuri Ushakov, transmeton gazeta “Kosova Sot Online”.
Zyrtari thuhet se ka thënë se të gjitha palët kanë filluar të punojnë mbi detajet, shkruan Sky News.
Vendi i takimit është rënë dakord gjithashtu dhe do të shpallet më vonë, tha ndihmësi i Kremlinit.
Ushakov tha se i dërguari special i SHBA-së, Steve Witkoff, kishte folur për idenë e një takimi trepalësh midis Putinit, Trump dhe Volodymyr Zelensky kur zhvilloi bisedime me Putinin të mërkurën.
“Me sugjerimin e palës amerikane, u ra dakord në parim për të mbajtur një samit dypalësh në ditët në vijim, domethënë një takim midis Presidentit Vladimir Putin dhe Donald Trump”, ka thënë Ushakov.
Takimi mund të ndodhë javën e ardhshme, siç kemi raportuar, por Ushakov tha se është ende e vështirë të thuhet se sa ditë do të zgjasin përgatitjet për takimin.
Kujtojmë se presidenti ukrainas Volodymyr Zelensky ka thënë se zhvilluar një telefonatë me presidentin e SHBA-së, Donald Trump.
Biseda u zhvillua pas vizitës së të dërguarit të posaçëm të Trump, Steve Witkoff, në Moskë.
Zelensky deklaroi se qëndrimi i përbashkët i Ukrainës me partnerët e saj është absolutisht i qartë: “Lufta duhet të përfundojë…”.
(Kosova Sot Online)
