Ky është droni rus që u rrëzua në Poloni

Komanda Operacionale e Forcave të Armatosura Polake njoftoi se gjatë sulmit masiv të sotëm nga Federata Ruse ndaj objektivave të vendosura në Ukrainë, hapësira ajrore polake u shkel vazhdimisht nga dronë, transmeton gazeta "Kosova Sot Online".

Sipas deklaratës zyrtare, një operacion ushtarak është duke u zhvilluar aktualisht që synon identifikimin dhe neutralizimin e objekteve,

Me urdhër të Komandantit Operacional, u përdorën armë dhe shërbimet përkatëse po kryejnë aktivitete që lidhen me gjetjen dhe sigurimin e rrënojave të mjeteve ajrore pa pilot të rrëzuara.

Komanda u bëri thirrje banorëve të Polonisë lindore dhe qendrore të tregojnë kujdes të veçantë dhe të qëndrojnë brenda.

“Rajonet më të kërcënuara janë provincat Podlaskie, Mazowieckie dhe Lubelskie”, thuhet në deklaratë.

Zëvendësministri i Mbrojtjes, Cezary Tomczyk raportoi se presidenti i Republikës së Polonisë dhe kryeministri janë informuar për situatën.

(Kosova Sot Online)