Pse gjithmonë dështakë politika dhe politikanët shqiptarë
Skender Kapiti
Politika dhe politikanët shqiptarë gjithmonë dhe historikisht kanë dështuar, dhe gjithmonë janë treguar dhe kanë rezultuar inferiorë ndaj politikës dhe politikanëve të fqinjëve të tyre sllavë e grekë.
Arsyet dhe shkaqet për këtë janë disa por kryesoret janë keto: se politikanët shqiptarë shquhen si egoistë e grindavecë ndërvete, janë treguar jotolerantë dhe urrejtës të suksesit e të aftësisë dhe armiq e urrejtës kundër intelektualizmit dhe patriotrizmit të tjetrit.
Për interesa personale janë treguar miqësore e besnik te të huajt e madje edhe te ata të cilët janë armiq të përbertuar të shqiptarëve. Për pushtet dhe për interesa personale gjithnjë të gatshëm për cdo aventurë, marrëveshje e “pazar” me pasoja të rënda edhe kundër interesave kombëtare.
Kur korrupsioni, egoizmi, injoranca, ligësia, hajnija dhe tradhtia kapin politikën, ekonominë, akademinë dhe inteligjencën, shtetin dhe pushtetin: ky përbën kërcënimin më të madh për atdheun, shtetin dhe kombin.
Dhe duke qenë të tillë si politika ashtu edhe politikanët shqiptarë , prandaj janë në këtë gjëndje edhe Shqipëria, edhe Kosova: të prapambetura dhe të fundit në Europë në rrugën e zhvillimit dhe progresit civil, ekonomik, politik, demokratik dhe të fundit në rrugën e mirëqënies, të ndërtimit të shtetit ligjor e demokratik dhe të integrimit euroatlantik.
Shkrimet në këtë rubrikë nuk shprehin qëndrimet e gazetës "Kosova Sot Online".