Ndiheni të lodhur dhe të pamotivuar? Këto shtatë mënyra do ju ndihmojnë të mposhtni “depresionin dimëror”

Dimri është një stinë e mrekullueshme, por jo për të gjithë. Nëse jeni mbërthyer në shtëpi dhe ndiheni të lodhur, mund të vuani nga e ashtuquajtura depresion dimëror.

Temperaturat e ftohta na detyrojnë të jemi më pak produktivë dhe energjikë. Si rezultat, ndihemi të stresuar dhe të pamotivuar për të bërë ndonjë gjë. Por sipas “Bright Side” ka disa gjëra që mund të bëni për të mos përfunduar në këtë gjendje.

Reduktoni kohën e ekspozimit të syve ndaj dritës blu.

Ritmi juaj cirkadian (cikli i gjumit / zgjimit) ngatërrohet për shkak të dritës blu. Lirimi i melatoninës ngadalësohet kur jeni i ekspozuar ndaj dritës për një kohë të gjatë.

Nëse përdorni telefonin para se të flini, do të zgjoheni duke u ndjerë i lodhur. Drita blu mund të gjendet në pajisje si telefoni, kompjuteri, TV, dhe madje edhe kur lexoni libra online. Sigurohuni që ta shmangni përdorimin e teknologjisë të paktën një orë para se të flini.

Vishu bukur pa pasur një arsye.

Të mos kujdesesh për veten kur ndihesh keq është një gabim i zakonshëm që njerëzit bëjnë. Jo vetëm që ndiheni në depresion, por edhe të rrëmujshmë po ashtu. Zgjidh një veshje të këndshme që të pëlqen shumë, kushtoji rëndësi lëkurës dhe rregullo flokët. Në fund të këtij rituali, do të ndiheni më të motivuar për të vazhduar ditën.

Kërceni si i çmendur.

Nëse nuk mund t’i përshkruani emocionet me fjalë, bëjeni atë përmes lëvizjes. Ju mund të vrisni 2 zogj me 1 gurë ndërsa stërviteni dhe përmirësoni humorin. Vallëzimi çliron endorfinë (hormonet e lumturisë) që ju ndihmojnë të shmangni depresionin. Përveç kësaj, vallëzimi mund të jetë një pushim i këndshëm nga detyrat e mërzitshme.

Krijoni një tabelë vizioni.

Një tabelë vizioni është në thelb një kolazh i përbërë nga foto, tekst ose vizatime. Shërben si motivim i përditshëm për të bërë ëndrrat tuaja të vërteta. Një tabelë vizioni ju ndihmon të kuptoni se çfarë doni nga kjo jetë. Vetëm të mendosh për të ardhmen tënde të ndritur dhe suksesin mund të të gëzojë.

Krijoni hapësirën tuaj.

Imagjinoni këtë: ju ndiheni të lodhur të pamotivuar për të punuar. Dhe dhoma juaj është rrëmujë. Hapësira e rrëmujshme shton ndjenjën e lodhjes. Kjo nuk është gjë e mirë. Vendosni një kohëmatës për të paktën 5 minuta dhe përcaktoni se cilën zonë duhet të pastroni. Mund të jetë një tavolinë apo edhe shtrati. Ju do të filloni të hidhni mbeturinat së bashku me negativitetin tuaj. Ndoshta do të vendosni edhe muzikë në sfond, do të bëni një kërcim dhe do të përmirësoni humorin.

Bëni një pushim nga rrjetet sociale.

Është tepër zhgënjyese të shikosh jetën “perfekte” të të gjithëve në internet, veçanërisht kur ndihesh i dëshpëruar. Pse të torturosh veten? Prandaj, thjesht fshini llogaritë e mediave sociale që ju bëjnë të ndiheni keq. Edhe shkenca mund ta mbështesë këtë sugjerim: njerëzit që janë të ekspozuar ndaj mediave sociale ndihen më të vetmuar dhe më të dëshpëruar.

Dil nga shtëpia.

Është kaq joshëse të qëndrosh nën atë batanije me gëzof për pak më gjatë, por do të biesh në grackë dhe do të ndihesh edhe më keq. Provoni të merrni pak ajër të pastër. Është provuar shkencërisht se rrezet e reduktuara të diellit prodhojnë nivele të larta të melatoninës. Me pak fjalë, kjo është ajo që shkakton “depresionin e dimrit”.

Depresioni i dimrit është një problem serioz. Sidoqoftë, disa njerëz mendojnë se kjo nuk ekziston dhe nuk duhet të konsiderohet si një problem real.

(Kosova Sot Online)