Pse humbet kontrolli gjatë seksit dhe si duket seksi nga këndvështrimi i trurit

Truri është mjeshtri i sjelljes seksuale të njeriut. Ai luan një rol të rëndësishëm në dëshirën seksuale, zgjimin e ndjenjave dhe në orgazmë. Seksi është një proces kompleks, i cili përfshin shumë rrjete nervore. Cilat kimikate përfshihen në arritjen e kënaqësisë gjatë seksit? Çfarë është ajo që i shtyen njerëzit të kërkojnë të bëjnë seks me aq këmbëngulje? Le të shqyrtojmë se si duket seksi nga këndvështrimi i trurit dhe kimikaleve të përfshira.

Pse ndiejmë kënaqësi gjatë prekjes dhe seksit? Përgjigja është dopamina. Ky neurotransmetues është përgjegjës për ndjenjën e kënaqësisë para, gjatë dhe pas kontaktit intim. Neurotransmetuesit janë kimikale përgjegjëse për transmetimin e informacionit në tru.

Dopamina prodhohet në tru, në hipotalamus, nga neuronet e specializuara të quajtura neurone dopamine. Efekti i dopaminës në trup varet nga lloji i neuroneve që e perceptojnë atë nga neuronet e dopaminës. Nëse neuronet e dopaminës shkatërrohen, mund të vërehen simptoma të sëmundjes së Parkinson-it dhe çrregullime të tjera neurodegjenerative.

Lexoni edhe:

Kosovarja pilote e Ushtrisë Amerikane: Nga refugjate e luftës, në luftëtare e ushtrisë më të fuqishme në botë

Dopamina është një nga neurotransmetuesit më të hulumtuar që përfshihet në kontrollin e sjelljes seksuale të njeriut. Ka lidhje të fuqishme me ndjenjat; nxit motivimin dhe shpërblimin. Tek burrat, dopamina është përgjegjëse për ereksion dhe ejakulim. Nëse nivelet dopaminës nuk kanë vlerat e duhura, këto procese nuk mund të vazhdojnë siç duhet. Kur jepet si ilaç, dopamina mund të zvogëlojë dhe madje në rastet e caktuara të shërojë dëshirën e ulët seksuale tek gratë. Megjithatë, nuk mund të kurojë mosfunksionimin seksual.

Pse e humbim kontrollin gjatë seksit?

Duke qenë se truri është njësia kyçe e kontrollit të sjelljes seksuale të njeriut, ai mund të humbasë këtë “privilegj” gjatë aktit seksual, me ç’rast “logjika hesht”. Rritja e shpejtësisë së qarkullimit të gjakut shkaktohet si rezultat i rritjes së oksidit nitrik. E gjithë kjo rezulton me ngritje të niveleve të dopaminës dhe adrenalinës në të gjithë trupin.

Teksa i afroheni “kulmit”, muskujt fillojnë të shtrëngohen. Orgazma e vë trurin në një gjendje të ngjashme me ekstazën. Zona të caktuara të trurit që lidhen me dhimbjen, emocionet dhe sistemin e riformulimit – aktivizohen në gjatë kësaj kohe.

Gjatë procesit të orgazmës, edhe tek gratë, por edhe tek burrat – aktivizohen dhe zonat më të largëta të trurit. Tek burrat, aktivizohet amigdala në nivelin e duhur, duke shkaktuar kështu ngritje të ndjenjave seksuale dhe kënaqësisë. Tek gratë, gjatë kulmit, zonat aktive të trurit janë përgjegjëse për emocionet, dhimbjet, rregullimin e proceseve specifike metabolike dhe  luan rol në vendimmarrje.

Image Credit: Magdalena Osial

Nivelet optimale të dopaminës

Niveli i duhur i dopaminës është i dobishëm për organizmin e njeriut. Ai rregullon procesin e gjumit. Kur një person fle mirë, është i hidratuar, ka shumë energji – mund të rrisë dëshirën seksuale.

Aktiviteti seksual përfiton nga sistemi ynë imunitar. Një person që kryen marrëdhënie dy herë në javë mund të ketë një nivel më të lartë të imunoglobinës (substanca përgjegjëse për imunitetin). Kur arrihet një moshë e caktuar, marrëdhëniet seksuale shpesh mund të kontribuojnë në përmirësimin e kujtesës. Megjithatë, në raste të rralla mund të shkaktojnë amnezi globale kalimtare – që paraqet një episod të përkohshëm të humbjes së kujtesës. Studimet tregojnë se njerëzit që kanë pasur një jetë të shëndetshme seksuale, kur arrijnë në fazën e pleqërisë kanë më pak gjasë të kenë probleme me shtypjen e lartë të gjakut. Seksi gjithashtu ndikon në rritjen e besimit dhe kreativitetit.

A ndihmojnë nxitësit (afrodiziaket)?

Niveli optimal i epshit është një shenjë e shëndetit dhe gjallërisë. Një dietë e rregullt mund të ndihmojë. Ushqimet e quajtura afrodiziake mund të jenë një ndihmë e konsiderueshme për të rritur epshin. Afrodiziaku më i famshëm është guaca e detit. Ky ushqim furnizon trupin e njeriut me minerale si të tilla si zinku, që është thelbësor për prodhimin e testosteronit dhe dopaminës.

Haviari është gjithashtu një afrodiziak i pasur me vitamina të tilla si A, E, B6 dhe lëndë ushqyese si hekur, magnez, selen dhe acide të omega-3. Ai mbështet sistemin imunitar, atë të qarkullimit të gjakut dhe sistemin nervort; po ashtu, tek burrat, stimulon prodhimin e testosteronit. Haviari përmban aminoacidin l-argininë, që ka një efekt në rritjen e nivelit të qarkullimit të gjakut, duke ndikuar kështu në funksionimin e organeve seksuale ashtu siç duhet.

Jo vetëm ushqimet me origjinë shtazore rrisin epshin, por edhe perimet dhe frutat. Për shembull, avokado, e cila siguron vitaminë E, kalium dhe vitaminë B6; është një burim i mirë i yndyrnave të pangopura, të cilat gjenden gjithashtu në arra, ullinj dhe fara. Këto yndyrna nxisin qarkullimin e shëndetshëm të gjakut dhe përmirësojnë ritmin e zemrës.

Një tjetër është maca, e ashtuquajtura Viagra Peruane – rrënja e ëmbël e njohur si erëza e kafesë. Nëse po flasim për barishtet, një afrodiziak tjetër është speci kajen. Ai përmban Capsaicin, i cili bën që enët e gjakut të zgjerohen, duke ulur kështu presionin e gjakut. Rrjedhja “e pasur” e gjakut në inde, përmirëson funksionin seksual. Capsaicini gjithashtu mund të rrisë nivelet e testosteronit tek burrat duke ndikuar kështu në rritjen e epshit.

Kakaoja është një tjetër afrodiziak që ofron shumë përfitime për trupin tonë, p.sh. uljen e stresit. Gjithashtu, përmirëson funksionin e trurit, i cili ndikon pozitivisht në nivelin e epshit. Kakaoja përmban një substancë të quajtur feniletialeminë, e cila ndihmon në çlirimin e serotoninës (një nga neurotransmetuesit e lumturisë), dhe në “të rënit në dashuri”. Tek gratë, niveli i epshit rritet pas konsumimit të kakaos. Çokollata e zezë përmban rreth 70% kakao.

Ka edhe shumë mënyra të tjera që mund të përdoren për të stimuluar lirimin e dopaminës në tru. Disa teori thonë se meditimi mund të rrisë nivelin e saj. Dopamina është një substancë thelbësore për të gjithë trupin, që shkakton reagime të shumta të tilla si ndjenjat e pasionit. Ajo prodhon varësi që na sjell kënaqësi. Po ashtu, luan një rol jetik në aktivitetet fizike si sporti dhe seksi, duke ndikuar pozitivisht në trurin dhe trupin tonë. Dopamina gjithashtu mund të zvogëlojë stresin dhe ankthin.

Një nivel optimal i dopaminës mund të stimulohet nga dieta e duhur dhe përdorimi i afrodiziakëve. Sidoqoftë, gjithçka duhet bërë në mënyrë të moderuar në mënyrë që të mos bëheni të varur.

Ky artikull është punë e përbashkët e Agnieszka Pregoëska (Instituti i Kërkimeve Themelore Teknologjike, Akademia Polake e Shkencave) dhe Magdalena Osial (Fakulteti i Kimisë, Universiteti i Varshavës).

(Kosova Sot Online)