Lexoni edhe:
Remzie Osmani këngëtarja më e dëgjuar shqiptare në Spotify për vitin 2021
Këto 3 gabime e bëjnë çajin të pashëndetshëm
Tashmë që dimri ka ardhur, shijimi i një filxhani çaji është një nga momentet e preferuara të ditës. Sidomos pasi ka kaq shumë shije për të zgjedhur. Ajo që ndoshta nuk e dinit deri më sot, është se çdo lloj çaji ofron diçka të ndryshme për trupin tonë, vitamina, minerale dhe antioksidantë të veçantë.
Megjithatë, përfitimet shëndetësore të çajit mund të kompensohen nga mënyra se si e konsumojmë, me më të keqen nga të gjitha shtimin e sheqerit. Ky zakon i keq mund ta kthejë këtë ilaç natyral në diçka të pashëndetshme dhe dhjamore sa një ëmbëlsirë.
Kjo është arsyeja pse duhet të zgjidhni një shije që ju magjeps dhe të shijoni çajin tuaj pa shtuar sheqer. Natyrisht, as ëmbëlsuesit artificialë si sakarina nuk janë të mirë, pasi ato shkatërrojnë gjithashtu përfitimet shëndetësore të çajit. Megjithatë, sheqeri nuk është e vetmja gjë që e bën çajin të pashëndetshëm.
Konsumimi i tepërt i çajit shkakton probleme shëndetësore
Në rastin e konsumimit të çajit, masa është ajo që bën diferencën, pasi konsumi i tepërt mund të rrisë nivelin e stresit ashtu si kafeja, të krijojë probleme me gjumin por dhe të shkaktojë urth dhe/ose të përziera. Disa nga këto efekte anësore vijnë nga kafeina në çaj, ndërsa të tjera, si urthi dhe vjellja, vijnë nga vetë çaji.
Shtimi i qumështit shton kalori në çajin tuaj
Një zakon tjetër jo i shëndetshëm që bëni me çajin është shtimi i një sasie të tepërt qumështi, pasi në këtë mënyrë çaji bëhet një “bombë” kalorike.
Pijet e çajit të paketuara nuk janë aq të shëndetshme sa keni menduar
Edhe pse ka opsione të shëndetshme, shumica e çajrave të paketuara janë plot me sheqer. Pra, kini parasysh se çaji vërtet i shëndetshëm është vetëm ai që bëni vetë me duart tuaja, kur sigurisht nuk bëni shtesa të panevojshme si ato që përmendëm më lart.
(Kosova Sot Online)
