Lexoni edhe:
Nga mbrojtja e syve te përmirësimi i kujtesës, përfitimet e jashtëzakonshme që merrni nga orizi i zi
Testohen tabletat kundër kancerit në tru te fëmijët -rezultatet janë premtuese
Një kombinim i barnave orale nga kompania farmaceutike zvicerane Novartis tregoi premtim në trajtimin e një nëngrupi pacientësh që vuajnë nga një kancer i zakonshëm i trurit të fëmijërisë.
Në provën e fazës së mesme, 47% e pacientëve të cilëve iu dhanë dy barnat Tafinlar dhe Mekinist panë që tumoret e tyre janë zvogëluar për 11% në krahasim me grupin që ka qenë duke përdorur kimioterapinë standarde, tha prodhuesi i barnave të hënën.
Pjesëmarrësit, të moshës 1 deri në 17 vjeç, vuanin nga glioma e shkallës së ulët (LGG), kanceri më i zakonshëm i trurit në fëmijëri, i cili diagnostikohet në më shumë se 1000 fëmijë amerikanë në vit.
Në test u përfshinë personat të cilët kishin një mutacion të njohur si BRAF V600, një kontribues gjenetik në rreth 15% deri në 20% të rasteve pediatrike LGG, shkruan Reuters
Mes rezultateve të mëtejshme të provës me 110 pjesëmarrës, koha mesatare pa përparim të sëmundjes ishte 20.1 muaj për ata që morën kombinimin e barit Novartis, krahasuar me 7.4 muaj në kimioterapi.
Kandidati i ri i trajtimit oral gjithashtu shkaktoi efekte anësore më pak të rënda sesa kimioterapia e rëndë.
Tafinlar dhe Mekinist, një kombinim tabletash me 1.7 miliardë dollarë në shitjet e vitit 2021, me 10%, më parë kishin fituar miratime për të trajtuar disa pacientë me kancer të lëkurës, mushkërive dhe tiroidës që kanë ndryshimin gjenetik BRAF V600, transmeton Express .
Kjo është një shtytje e rëndësishme e rritjes në biznesin e onkologjisë të Novartis, një fushë terapeutike kyçe për grupin zviceran, i cili mbështetet në zhvillimin e barnave, ndërsa konsideron shitjen e biznesit të tij Sandoz me barna gjenerike të papatentuara.
Për provën e kancerit të trurit të fëmijërisë, u përdor për herë të parë një formë e lëngshme më e përshtatshme.
Të dhënat, të paraqitura në takimin vjetor të Shoqatës Amerikane të Onkologjisë Klinike (ASCO) të hënën do t’u dorëzohen rregullatorëve si pjesë e një kërkese për miratim, shtoi Novartis.
(Kosova Sot Online)
