Lexoni edhe:
A e dini se pse personat e lindur në nëntor janë të veçantë?
A e dini se gjysmë ore nervozë në ditë të bën mirë
Ndonëse zakonisht përpiqemi të shmangim stresin dhe situatat që mund të na zemërojnë, ekspertët kanë dalë me informacione interesante që do t’ju habisin. Domethënë, të jesh i zemëruar për të paktën gjysmë ore në ditë nuk është vetëm i dobishëm për ju, sepse lehtëson të gjithë stresin, por gjithashtu përmirëson aktivitetin kardiovaskular dhe respirator.
Të paktën kështu pohojnë studiuesit nga Universiteti i Meksikës, sipas mendimit të tyre, të qenit i zemëruar për gjysmë ore në ditë mund të jetë i mirë për shëndetin e njeriut dhe veçanërisht për trurin. Por pse është kështu?
Domethënë, kur ne zemërohemi, ekziston një impuls neurokimik që stimulon valët e trurit. Kur sistemi nervor “sforcohet”, rrahjet e zemrës dhe frymëmarrja përshpejtohen. Po kështu, gjatë fazës së zemërimit, ka një rritje të prodhimit të dopaminës, një hormon që stimulon trurin dhe prodhon një lloj eksitimi në neurone, por edhe të norepinefrinës, një hormon që rrit presionin e gjakut dhe rrahjet e zemrës.
Prandaj zemërimi është mënyra në të cilën truri ynë aktivizohet si dhe disa nga organet tona të brendshme, prandaj nuk është aq i keq sa mund të mendojmë. Megjithatë, shkencëtarët shpjegojnë se në këtë rast është shumë i rëndësishëm moderimi dhe sipas mendimit të tyre nuk duhet të zemërohemi më shumë se 30 minuta në ditë. Përndryshe, mund të shkaktojë efektin e kundërt dhe të ketë një efekt të dëmshëm në shëndetin tonë.
Për shembull, në situatat kur ka zemërim apo çfarëdo lloj eksitimi, trupi prodhon kortizol, i njohur ndryshe edhe si hormoni i stresit, i cili ka shumë pasoja negative nëse teprohet.
Ekspertët paralajmërojnë se kontribuon në shtimin më të shpejtë të peshës, dobësimin e imunitetit, probleme me gjumin, presionin e lartë të gjakut dhe kolesterinën.
(Kosova Sot Online)
