Lexoni edhe:
A paguhen banorët në 'Big Brother Albania VIP'?
Ja shenjat që jep trupi dhe si t’i kuptoni dhimbjet e apandesitit
Shpesh kemi dëgjuar që një pjesë e njerëzve kanë patur probleme të ndryshme me apandesitin gjë e cila i ka detyruar t’i nënshtrohen edhe operacionit, ashtu si kryeministri Edi Rama në orët e para të mëngjesit.
Apandesiti shkaktohet kur apendiksi bllokohet më së shumti nga defekimi (jashtëqitja) ose nga trupat e huaj. Por si ta kuptoni?
Duke qenë se çdo dhimbje është specifike dhe ka padyshim një shkak, interneti nuk mundet të na e tregojë as sqarojë, sepse çdo problem mund të diagonstikohet vetëm nga mjeku.
Çfarë është apendiksi
Apendiksi është një organ i vogël në formën e gishtit që ndodhet në anën e poshtme të djathtë të abdomenit. Në moshë të vogël, apendiksi është shumë i dobishëm për sistemin imunitar. Ai ndihmon trupin të luftojë sëmundjet. Me kalimin e moshës, apendiksi resht së funksionuari dhe është i panevojshëm.
Çfarë është apandesiti
Apandesiti është një sëmundje që shkaktohet nga bllokimi dhe inflamacioni i apendiksit. Ky inflamacion shkakton vështirësi në rrjedhën e gjakut. Organi mund të shpërthejë duke e shpërndarë infeksionin në pjesë të tjera të sistemit tretës. Nëse apandesiti nuk trajtohet në kohë, mund të jetë vdekjeprurës.
Cilat janë simptomat e apandesitit
Apandesiti shfaqet me shumë simptoma, por ato kryesoret janë:
• Dhimbje të forta barku,
• Të vjella dhe të përziera,
• Konstipacion ose diare,
• Fryrje abdominale
• Temperaturë dhe ethe
• Humbje e oreksit
Si të kuptoni nëse ka shpërthyer apendiksi
Për fat të mirë, apendiksi nuk shpërthen pa paralajmërim. Sipas mjekëve, njeriu përballet si fillim me simptomat e mësipërme dhe më kryesorja është dhimbja e mprehtë e barkut përreth kërthizës dhe me drejtim në anën e djathtë të poshtme të barkut, transmeton gazeta “Kosova Sot Online”. Pra, dhimbja e fortë që shpërndahet në zonën e stomakut është shenja më kryesore. Dhimbja përshkruhet si e padurueshme dhe duket sikur bëhet më e fortë pas çdo lëvizjeje. Kolla apo tështima mund ta përkeqësojnë atë. Nëse mendoni se apendiksi juaj ka shpërthyer ose është shumë pranë shpërthyerjes atëherë duhet të nxitoni menjëherë drejt spitalit.
(Kosova Sot Online)
