Këto fruta do t’ju ndihmojnë të arrini qëllimin tuaj

Dëshironi të keni një bark të sheshtë, por ende nuk e keni arritur, pavarësisht ushtrimeve intensive? Ndoshta është koha për të parë edhe dietën tuaj.

Nutricionist, Cleo Dimitradou, ka treguar se cilat fruta kontribuojnë në djegien e dhjamit në zonë, por edhe në tretje më të mirë.

Molla.

Në lëkurën e mollës ekziston një substancë, acidi ursolik, i cili ndihmon në djegien e yndyrës dhe përshpejton humbjen e peshës. Gjithashtu kontribuon në funksionimin e mirë të organizmit dhe detoksifikimin e tij.

Lexoni edhe:

Mima Kastrati do t'ju emocionojë me këngën e re 'Lotoni'

 

Ananasi

Falë bromelinës që përmban, përmirëson tretjen dhe shëndetin e sistemit tretës. Shpesh fryrja në bark është për shkak të tretjes së dobët.

Manaferrat

Është zbuluar se ato kufizojnë ruajtjen e yndyrës në bark. Do t’i gjeni të ngrira ose të thara. Një zgjidhje shumë e mirë është t’i vendosni në smoothie dhe t’i merrni me vete në një termus.

Fiq

I përshtatshëm për funksionimin e mirë të zorrëve. Kapsllëku është i zakonshëm me ndryshimin e ambientit gjatë pushimeve, ndaj një fik, idealisht në mëngjes, do t’ju zgjidhë problemin.

Avokado

Yndyrnat e mira janë gjetur se ndihmojnë në djegien e yndyrës intra-abdominale dhe nxitin metabolizmin. Tosti me avokado ose avokado e thjeshtë mund të jenë perfekt dhe ushqyes për pushimet.

Banane

Kaliumi që përmban ndihmon ndjeshëm në mbajtjen e lëngjeve. Megjithatë, një informacion më i dobishëm është se bananet janë fruti i duhur për ata prej jush që vuajnë nga zorrët e irrituar dhe shpesh kanë fryrje barku.

(Kosova Sot Online)