Messi e lë Argjentinën dhe kthehet në Barcelonë
Lionel Messi është larguar nga kampi stërvitor e ekipit kombëtar të Argjentinës dhe ka shkuar në Barcelonë.
Argjentina nuk do të ketë mundësi të mbështetet në ndihmën e Messit për ndeshjen miqësore kundër Marokut, e cila zhvillohet të martën.
Kjo pasi që ylli argjentinas i Barcelonës mbeti i lënduar në disfatën kundër Venezuelës, e cila u zhvillua mbrëmë.
Messi i la pas bashkëlojtarët e tij të Argjentinës sot dhe tani është kthyer në Barcelonë, ku do ta vazhdojë rikuperimin e tij para derbit të fundjavës së ardhshme, kundër Espanyolit.
Messi kishte mbetur i lënduar edhe dy herë të tjera gjatë këtij sezoni, mirëpo përkundër tyre ai i kryeson të gjitha listat për lojtarët më vendimtarë në top pesë ligat evropiane.
Pesë-herë fituesi i Topit të Artë ka luajtur në gjithsej 37 ndeshje të këtij sezoni, gjatë të cilave i ka shënuar 39 gola dhe i ka asistuar 21 të tjera.
(Kosova Sot)