Dënohet Igli Tare pasi shpërtheu ndaj VAR-it, paralajmërohen Strakosha dhe Durmishi
Janë zbuluar vendimet e Komisionit të Disiplinës së Federatës Italiane të Futbollit mbi ato parregullsi që ndodhën në javën e 30-të të Serie A.
Mes dënimeve, figuron edhe një gjobë prej 5 mijë eurosh për drejtorin sportive shqiptar të Lazios, Igli Tare.
Humbja e pësuar me Spal u shoqërua me polemika të forta, sepse gjithçka u vendos nga një penallti e akorduar prej VAR-it.
Bardhekaltrit humbën 1-0, ndërsa Tare shpërtheu në akuza nga teknologjisë në këtë rast.
Drejtori sportiv i kryeqytetasve, Igli Tare, u dënua me një gjobë jo të vogël, sepse “në fund të ndeshjes shkoi në dhomën e zhveshjes dhe kontestoi në mënyrë të turpshme punën e VAR-it”, thuhet në deklaratën zyrtare.
Sa për lojtarët, paralajmërim është dhënë për dy shqiptarë të tjerë bardhekaltër: Thomas Strakosha dhe Riza Durmisi. Gjuhën duhet “ta kafshojnë” në vijimësi të garës edhe Badelj, Leiva, Luis Alberto, Lulic dhe Radu, raporton telesport. “Kurban” u bë Igli Tare, kësaj here.
(Kosova Sot)