Çmenduria e City-t, ja paga marramendëse që i ofrohet Guardiolas
Nga Anglia vijnë lajme jo të mira për Juventusin, e cila tashmë duhet të heqë nga mendja Guardiolën.
Flitet se Guardiola ka arritur një marrëveshje ekonomike për të rinovuar me Manchester Cityn. Ky është një lajm i keq për Anjelin, i cili e ka spanjollin një dëshirë personale për të zëvendësuar Allegrin në stolin e Juves.
Siç raporton “The Sun”, Citi i ka ofruar një zgjatje të kontratës Guardiolës për 5 vite të tjera. Në sezon spanjolli do të ketë përfitime mbi 22 milionë euro dhe në pesë vite fitimet e tij do të shkojnë gjithsej në 115 milionë euro.
Pra, paga do të rritet me më shumë se 5 milionë euro, për trajnerin që po bën historinë me Cityn. Por mediat në Britani bëjnë me dije se nëse City do të përjashtohet nga UEFA, pasi është duke u hetuar, Guardiola me shumë mundësi nuk do të vazhdojë te kjo skuadër.
(Kosova Sot Online)