Përgjigja brilante e Mbappes ndaj lajmeve për të ardhmen e tij
Ylli francez, Kylian Mbappe, i ka mohuar lajmet se ai e ka bërë një listë me kërkesa për Paris Saint-Germainin, të cilat klubi francez duhet t’ia plotësojë për ta mbajtur edhe për sezonin e ardhshëm.
20-vjeçari e shfrytëzoi llogarinë e tij zyrtare në rrjetin social Instagram për të qartësuar gjithçka rreth të ardhmes së tij në futboll.
Llogaria në Twitter @TransferChecker e kishte postuar tweet-in e mëposhtëm, ku spekulohet për kërkesat e Mbappes ndaj Paris Saint-Germainit.
“Përfaqësuesit e Kylian Mbappes ia kanë bërë një listë me kërkesa për hierarkinë e PSG-së. Kërkesat përfshijnë: Atij duhet t’i garantohet se do të luajë në pozitën e qendërsulmuesit dhe jo në krahë, duhet t’i gjuajë të gjitha penalltitë kur luan, duhet të ketë përqindje më të madhe të fitimit nga të drejtat e imazhit”.
Megjithatë, sulmuesi francez u përgjigj në mënyrë brilante për t’i mohuar këto spekulime.
“Më falni, keni harruar diçka. Kylian Mbappe dëshiron të luajë si portier. LAJM I RREMË”, shkroi Mbappe në Twitter.
Së fundi, Mbappe e shënoi golin e 100-të në karrierën e tij si futbollist profesionist, edhe pse është ende 20-vjeçar. Këtë shifër, Lionel Messi e Cristiano Ronaldo e arritën kur ishin 22-vjeçarë.
(Kosova Sot Online)
Kylian Mbappeës representatives have sent a list of demands to PSGës hierarchy. They include:
— Transfer News (@TransferChecker) June 11, 2019
- He must be guaranteed to play up front rather than out wide
- He must take all penalties when heës playing
- He must own a far greater % of his image rights if he remains at the club