Euro U-21, Austria bie ndaj Danimarkës
Pas asaj fitoreje të bujshme në ndeshjen e parë ndaj Serbisë, Austria mposhtet në sfidën e saj të dytë në grupin B të Europianit të 21-vjeçarëve, duke lënë gjithçka të hapur përsa i përket kualifikimit.
Në Dacia Arena të Udines, Danimarka që kishte humbur ndeshjen e saj të parë ndaj Gjermanisë mposhti me të njëjtat shifra 3-1 Austrinë në një sfidë të cilën austriakët kishin mundësi ta fitonin.
Maehle në minutën e 33-të kaloi danezët në epërsi por në fillimin e pjesës së dytë Austria barazoi me Lienhart.
Austriakët kishin mundësi të merrnin avantazhin por Baumgartner në minutën e 73-të, humbi një 11-metërsh dhe në minutat e mbetura Danimarka i ndëshkoi duke shënuar sërish me Maehle dhe në shtesë me Skov Olsen për t’u ngjitur në vendin e dytë të grupit B me pikë të njëjta me Austrinë por me goleavarazh më të mirë.
(Kosova Sot Online)