Interi dhe Milani e konfirmojnë stadiumin e ri: “San Siro do të shembet”
Inter dhe Milan kanë konfirmuar se do të shembin “San Siron” për të ndërtuar afër tij stadiumin e ri.
Javën e kaluar u raportua se Milani dhe Interi janë pajtuar për stadiumin e ri që do të kushtojë 700 milionë euro dhe do të jetë gati në vitin 2020.
Tashëm është fakt i kryer, dy kushërinjtë e Milanos, Inter dhe Milan do të ndërtojnë stadiumin e tyre të ri, që do të jetë ngjit me “San Siron”, i cili do të shembet, sapo të ndërtohet arena e re.
Këto informacione i konfirmoi presidenti i Milanit, Paolo Scaroni në një prononcim për “Ansa”.
“Ne do të bëjmë një ‘San Siro’ të ri, ngjit me të vjetrin, në të njëjtën zonë. Stadiumi i vjetër do të shembet dhe do të ndërtohen ndërtesa të reja. Nuk mund të luajmë dy ndeshje në javë në një kantier ku po kryhen restaurime”.
I pyetur nëse kishte marrëveshje mes Inter dhe Milani, foli edhe përfaqësuesi i zikaltërve Alessandro Antonello, i cili tha: “Kemi arritur marrëveshje me Milanin. Absolutisht po!”
Në lidhje me ndërtimin e stadiumit të ri foli edhe kryebashkiaku i Milanos, Beppe Sala, i cili theksoi se ndërtimi do të kërkojë punë dhe kohë, por është i sigurt që do të ndërtojnë një ndër stadiumit më funksionalë në botë.
I pyetur nëse kishte marrëveshje mes Inter dhe Milani, foli edhe përfaqësuesi i zikaltërve Alessandro Antonello, i cili tha: “Kemi arritur marrëveshje me Milanin. Absolutisht po!”
Në lidhje me ndërtimin e stadiumit të ri foli edhe kryebashkiaku i Milanos, Beppe Sala, i cili theksoi se ndërtimi do të kërkojë punë dhe kohë, por është i sigurt që do të ndërtojnë një ndër stadiumit më funksionalë në botë.
(Kosova Sot Online)