Chelsea dëshiron t’ia “rrëmbejë” Zahan Arsenalit
Ylli nga Bregu i Fildishtë mbetet objektiv i klubeve më të mëdha të Premierligës, ndërsa më së shumti e do Arsenali
Chelsea do të mundohet t’ia “rrëmbejë” Arsenalit futbollistin Wilfried Zaha, të cilin “Gunners” po e kërkojnë qe një kohë, shkruan “The Telegraph”.
“Blues” janë të dënuar dhe e kanë të ndaluar të bëjnë transfere, por ata do të mundohen ta arrijnë marrëveshjen me yllin e Crystal Palacet pas përfundimit të sezonit të ardhshëm.
27 vjeçari ndihet i lumtur dhe krenar me interesimin e klubeve të mëdha për të, edhe pse ende nuk ka arritur ndonjë ofertë zyrtare për lojtarin.
Arsenali thuhet se i ka ofruar 45 milionë euro për sulmuesin e rrezikshëm, mirëpo klubi i tij aktual i do afro 90 milionë euro për lojtarin.
(kosova Sot Online )