Zyrtare: Milan transferon Duarten
Milani e ka konfirmuar transferimin e Leo Duartes nga Flamengo për 11 milionë euro.
Lajmi u konfirmua të martën, pasi Milani e regjistroi Leo Duartes si lojtar të vetin për sezonin e ardhshëm në zyret e Lega Serie A.
Braziliani besohet se ka nënshkruar marrëveshje pesëvjeçare me kuqezinjtë, që e mban atë në klub deri në vitin 2024.
23-vjeçari i ka bërë gjithsej 60 paraqitje për Flamengon, duke i shënuar dy gola, por ai nuk e ka bërë asnjë paraqitje për ekipin e tij kombëtar ende.
Duarte do ta zëvendësojë Cristian Zapatan në pozitën e qendërmbrojtësit në skuadrën e Marco Giampaolo, pasi që kolumbiani është transferuar në Genoa.
(Kosova Sot Online)