Barcelona dhe PSG arrijnë marrëveshje për Neymarin

Dy klubet e mëdha evropiane, Barcelona dhe Paris Saint-Germain thuhet se kanë arritur marrëveshje për transferimin e yllit brazilian, Neymar.

E ardhmja e sulmuesit brazilian ka qenë shumë e përfolur tash e disa muaj, me Neymarin, i cili ka qenë i lidhur me një rikthim te Barcelona dhe kalim te Real Madridi.

Megjithatë, tani thuhet se e ardhmja e tij është vendosur dhe gjithçka pritet të marr fund brenda disa orëve me nënshkrimin e kontratës dhe zyrtarizimin.

Sipas gazetarit italian Gianluca Di Marzio nga Sky Italia, Barcelona më në fund ka arritur një marrëveshje për të ri-nënshkruar me Neymarin nga PSG.

Raportohet se përfundimisht është gjetur një marrëveshje midis dy klubeve, me sulmuesin e Brazilit të vendosur për t’u rikthyer në Camp Nou.

Neymar u largua nga Barcelona dy vjet më parë pasi shënoi më shumë se 100 gola për klubin, duke fituar dy tituj të ligës, tre trofe të Copa del Rey dhe Ligën e Kampionëve.

(Kosova Sot Online)