Sanchez kushton 28 milionë euro
Manchester United e ka vendosur çmimin e sulmuesit kilian, i cili është i huazuar në Inter
Manchester United e ka vendosur çmimin e Alexis Sanchezit.
Sulmuesi kilian është huazuar në Inter për një sezon, ndërsa “Nerazzurri” e kanë mundësinë e blerjes përfundimtare pas një viti.
Dhe, tabloidi britanik “The Sun” shkruan se klubi anglez e vlerëson 28 milionë euro kartonin e Sanchezit.
Deri tash, ish-futbollisti i Udineses, Barcelonës dhe Arsenalit i ka zhvilluar vetëm 129 minuta në Serie A dhe Champions League.
Ai e ka realizuar një gol dhe e ka dhuruar një asistim.
Sanchez ka rrogë të majme prej 15 milionë euro në vit, prandaj “Djajtë e Kuq” duan ta shesin atë.
Pas pak muajsh, Sanchez do t’i mbushë 31 vjet dhe mbetet të shihet nëse Interi do ta shpenzojë atë shumë parash për të.
(Kosova Sot Online)