Garuesit e rinj kosovarë shkëlqejnë në Gjermani, kthehen me medalje
Garuesit e rinj kosovarë kanë shkëlqyer në turnetë e rëndësishëm të Taekwondos, të cilët janë mbajtur në Gjermani.
Në datat 7 e 8 dhjetor, në qytetin Sindelfingen të Gjermanisë u mbajt Kampionati Evropian për fëmijë “European Open Kids Championships 2019”.
Diell Munishi, kategoria deri në 26 kilogramë nga klubi i Taekwondos, “Olympic Art” ka arritur ta fitojë medaljen e argjendtë.
Ndërsa, edhe dy garuesit tjerë të klubit “Olympic Art”, Diell Munishi e Lea Aliu, bënë performanca të shkëlqyeshme në këtë garë prestigjioze për fëmijë.
Në të njëjtën ditë u mbajt edhe turneu ndërkombëtar i Taekwondos “Park Pokal Cup 2019”.
Tre garuesit pjesëmarrës kosovarë arritën t’i fitonin tri medalje të arta në kategorinë e fëmijëve dhe kadetët.
Pjesëmarrës ishin 700 garues nga të gjitha shtetet e Evropës.
Ky është suksesi i radhës për sportin e Taekwondos së Kosovës.
Pa dyshim, merita të mëdha për këto suksese ka edhe trajneri Arsim Agushi.
Rezultatet e garuesve kosovarë
Diell Munishi (fëmijë) -26 kg, medalje e artë;
Elion Agushi (kadet) -45 kg, medalje e artë;
Denis Bllaca (kadet) -49 kg, medalje e artë;
(Kosova Sot Online)