Talenti 16-vjeçar e konfirmon kalimin në Juventus
Talenti 16-vjeçar i Velez Sarsfield, Matias Soule, ka konfirmuar se i është bashkuar Juventusit.
Anësori i djathtë ka shkëlqyer në turnet e të rinjve duke zgjuar interesim nga klube të shumta evropiane.
Por sic duket, Juve e ka fituar garën për të, pasi Soule e ka postuar një fotografi të veten i veshur në fanellën e Juves nga zhveshtorja e Allianz Stadium.
“Jam i lumtur për këtë hap të madh. Faleminderit të gjithë atyre që më përkrahen dhe ndihmuan ta realizoj këtë ëndërr. Forca Juve!” shkroi Soule në Instagram.
Ai i mbushi 16 vjet në prill, prandaj fillimisht do të luajë në ekipin e të rinjve të Juventusit.
(Kosova Sot Online)
