Chelsea hyn në garë për Mertensin
“Blues” janë në kërkim të një golashënuesi për pjesën e dytë të sezonit dhe ia kanë vënë syrin sulmuesit të Napolit
Chelsea është në kërkim të një sulmuesi për pjesën e dytë të sezonit.
“Blues” pritet ta shesin ose huazojnë Olivier Giroudin në ditët në vazhdim dhe tash po e kërkojnë zëvendësuesin e tij.
Sipas mediave italiane, fituesi aktual i Europa Leaguës ia ka vënë syrin sulmuesit të Napolit, Dries Mertens.
Të kaltrit synojnë ta transferojnë 32 vjeçarin deri të premten, në ditën e fundit të afatit kalimtar të janarit.
Mertens ka shkëlqyer viteve të fundit në futbollin italian.
Ai i ka realizuar 4 gola në 16 ndeshje në Serie A këtë sezon me Napolin.
(Kosova Sot Online)