Ibrahimovic po shërohet, pritet të jetë i gatshëm për derbi

Sulmuesi suedez mund të jetë i gatshëm për derbin me Interin, pasi mungoi në ndeshje me Veronën shkaku i sëmundjes

Zlatan Ibrahimovic është duke vrapuar kundër kohës.

Sulmuesi suedez është duke u munduar ta bëjë të pamundurën për të qenë prezent në derbin e fundjavës ndaj Interit.

Veterani i sulmit i mungoi Milanit në barazimin 1:1 me Veronën shkaku i gripit.

38 vjeçari ka ushtruar i vetëm gjatë kësaj jave, por dëshiron të jetë pjesë e ndeshjes së madhe të dielën mbrëma.

Prezenca e Ibrës në fushë do të ishte jashtëzakonisht e rëndësishme, si për motivimin e bashkëlojtarëve, ashtu edhe për kontributin e tij në sulm.

Që prej rikthimit në San Siro në fillim të janarit, suedezi u ka dhënë impuls Kuqezinjve.

(Kosova Sot Online)