Lampard: Abraham është i dëshpëruar për gola

  • S.A /
  • 08 korrik 2020 - 09:19
Lampard: Abraham është i dëshpëruar për gola

Trajneri i Chelseat, Frank Lampard, beson se sulmuesit të skuadrës së tij, Tammy Abraham do t’i bëjë mirë goli i shënuar në ndeshjen kundër Crystal Palace, pasi tha se futbollisti është i dëshpëruar për të shënuar gola.

Chelsea fitoi ndeshjen në Sulhurst Park me rezultat 3:2 të martën, ndërsa 22-vjeçari e shënoi golin vendimtar, që ishte i pari për të që nga rinisja e futbollit në Angl.

Para ndeshjes, Lampard e këshilloi futbollistin të përqendrohet në formën e tij dhe paraqitjet e jo në diskutimet për një kontratë të re, mes spekulimeve për vendin e tij në skuadër kur të vijë Timo Werner, i transferuar nga Leipzigu.

Sulmuesi nuk kishte shënuar që nga 11 janari dhe e kishte humbur vendin në formacionin e parë pas rinisjes së sezonit, por Lampard beson se forma e tij do të përmirësohet pas këtij goli të fundit.

“Do të jetë një gol shumë i rëndësishëm për Tammyn pasi që ai është i dëshpëruar për gola”, tha Lampard pas ndeshjes.

“Ai nuk shënoi gola për një kohë. Ky gol ndihmon për vetëbesimin e tij dhe është i mirë për mua. Kjo më jep mua opsione të tjera”.

“Ai hyri në ndeshje vonë dhe e shënoi golin e fitores. Natyrisht që unë gëzohem për sulmuesit e mi”.

(Kosova Sot Online )