Lewandowski e preferon Barcelonën

  • S.A /
  • 21 May 2021 - 10:32
Lewandowski e preferon Barcelonën

Robert Lewandowski mund ta dridhë tregun e transferimeve këtë verë.

Përgjatë ditëve të fundit ka pasur spekulime rreth largimit potencial të tij nga Bayern Munich.

Chelsea dhe Paris Saint-Germain janë të interesuar për shërbimet e polakut, por opsioni i preferuar për sulmuesin është Barcelona, raporton Daily Mail.

Operacioni megjithatë duket i komplikuar. Lewandowski e përfundon kontratën në vitin 2023, kështu që Barcelona duhet të paguajë një shumë të madhe, marrë parasysh formën jetësore që po e kalon.

Sulmuesi polak regjistroi 47 gola në 39 ndeshje, duke e vendosur veten si top golashënuesin e sezonit. Si shtesë, paga e tij prej 20 milionë eurosh është e paarritshme për Barcelonën.

Përveç Barcelonës, Chelsea është një tjetër ekip i interesuar për Lewandowskin.

Sipas raporteve të Sky Sports, ekipi londinez e ka kontaktuar reprezentuesin polak dhe ia ka prezantuar ofertën formale, megjithatë thuhet se Lewandowski nuk është i joshur nga ideja e të luajturit në Angli.

Sipas informacioneve të fundit, opsioni i tij i preferuar është La Liga.

(Kosova Sot Online  )